2009 оны 4-р улирлын Библи Судлалын Шаббат Хичээл (БСШХ) "Нүүдэлчид: Тооллого Ном" нэртэйгээр хэвлэгдэн гарлаа.

Египетээс гарсан нь номоор дамжуулан нэгэн агуу үндэстэн үүссэн түүхийг Бурхан дүрслэн харуулжээ. Египетээс гарсан нь болон Левит номноо тэрхүү үндэстний хууль дүрмийг нарийвчлан заасан байдаг.Энэ улиралд судлах Тооллого номноо тэрхүү нүүдэллэж явсан Бурханы ард түмнийг арай өөр талаас нь харуулжээ.

“Чамд харагдаж байгаа тэр бүх газар нутгийг Би чамд болон чиний үр хүүхдүүдэд үүрд өгнө. Би бас чиний үр хүүхдүүдийг газар шороо мэт болгоно. Хэрэв хүн газар шороог тоолж чаддаг бол, чиний үр хүүхдүүдийг ч тоолж чадмуй. Босоод, энэ газар нутгаар хөндлөн гулд явж үз. Учир нь Би
түүнийг чамд өгнө” (Эхлэл 13:15-17).
Дээрх амлалт энэ үндэстний өөр нэгэн талыг илэрхийлдэг. Тэд гадаадын ямар ч дайсанд дийлдэшгүй Бурханы хүчирхэг зэвсэгт хүчин бөгөөд хүчирхэг үндэстэн юм. Учир нь тэнгэр газрыг Бүтээгч Эзэн Өөрийн биеэр тэдэнтэй хамт байсан юм.
Бурхан тэдний дунд оршин байсан болохоор тэд жирийн нэг зэвсэгт хүчинус харин ариун зэвсэгт хүчин байсан юм. Тиймээс ч тэд ариун байх ёстой байв.

Харамсалтай нь тэд ийм байж чадаагүй. Бурханы Амласан Нутгийг өвлөн авсан энэхүү жавхаатай, хүчирхэг, дайчин зэвсэгт хүчин Канаанчуудаас бус xарин өөрсдөөсөө болж ялагджээ. Тэднийг Эзэний өмнө дуулгавартай байж, Бурханд найдан, итгэлтэй амьдарч, Түүний тушаалуудыг дагаж байгаа цагт тэдний эсрэг юу ч хийж чадахгүй гэдгээ Сатан сайн мэднэ. Тиймээс Сатаны хийж чадах ганц зүйл бол тэднийг өөрсдийнх нь эсрэг ашиглах явдал байв.

Сатаны энэ мэх үнэхээр үр дүнтэй байв. Энэ тухай Элен Уайтын дараах сэрэмжлүүлэгт анхааруулжээ: “Бид гаднаасаа бус харин дотроосоо илүү их айх ёстой. Хүч чадал хийгээд амжилт ололтод дэлхий гэхээсээ илүү сүм өөрөө тун их саад болж байдаг.” Элен Уайт, 1-р дэвтэр, х. 122.

Тиймээс Бурханы дуудлага авч Түүний Амласан Нутагт хүрэхээр нүүдэллэн яваа хүмүүс болох бидэнд Тооллого номоос сурах зүйл олон бий. Бурхан хэрхэн хуаранг зохион байгуулж, тахилчид хийгээд Левичүүдэд үүрэг хариуцлага оноосон зэргээс бидэнд сурах зүйл бий. Мөн ариун ордонтой холбоотой баяр наадам, зан үйлүүдээс бид суралцах болно. Тэдний Египетийг “сүү балаар урссан нутаг” (Тооллого 16:13) хэмээн дуудаж, тийшээ буцаж очихыг яагаад тэгтлээ их хүсэж байснаас суралцах болно. Мириамын уяман өвчин, арван хоёр туршуул, Калебын итгэл, Мосегийн зуучлах залбирал, Корагийн дайсагнал болоод Балаамын зөрүүд илжигний талаар хүртэл суралцах болно. Бидэнд суралцах зүйл их байна. “Энэ бүхэн жишээ болон тэдэнд тохиолдсон бөгөөд үүнийг энэ үеийн эцэст амьдарч буй бидэнд сануулга болгон бичжээ. Тиймээс өөрийгөө зогсож байна гэж боддог хүн уначихгүйн тулд болгоомжтой байг. Та нарт учирсан сорилт нь хүнд тохиолддог л зүйл юм. Бурхан итгэмжит билээ. Тэр та нарыг хэрээс чинь хэтэрсэн хүчээр соригдохыг зөвшөөрдөггүй, харин сорилтыг тэсвэрлэж чадахын тулд сорилттой хамт мөн гарах замыг ч өгдөг юм” (1 Коринт 10:11-13). Эдгээр
үгст сэрэмжлүүлэг төдийгүй амлалт хүртэл багтсан байна.
Тооллого номоос сурах хамгийн чухал сургамж бол Бурхан энэ бүх саад бэрхшээлүүд, хүлээлт болон аймшигт сүйрлээс үл хамаарч амлалтаа заавал биелүүлдэг хэмээх сургамж юм. Харин Түүний амлалт биднээр дамжин биелэх үү, бидний ямар ч оролцоогүй биелэх үү гэдэг нь өөр асуудал. Гэвч энэ бүхэн нь биелэхдээ л биелнэ гэдэг нь баталгаатай. Загалмай хийгээд шинэ гэрээний хүрээнд Тооллого номыг уншаарай.
Бурхан бидний талаарх сонголтоо аль хэдийнэ хийсэн гэдэг нь тодорхой байна. Харин одоо бидний сонголт ямар байх вэ гэдэг ганцхан асуулт л үлдлээ.
Франк Холброк 1981-1990 онд АНУ-ын Мариланд мужийн Силвер Спринг дахь Долоо дахь Өдрийн Адвентистуудын Ерөнхий Чуулганы харъяа Библи судлалын төвийн дэд захирал байсан юм.

Сэтгэгдэл (0)

Subscribe to this comment's feed

Нэр

Эмайл хаяг

Вэбсайт

Гарчиг

Сэтгэгдэл

жижиг | том

Subscribe via email (Registered users only)

I have read and agree to the Terms of Usage.

Сэтгэгдэл Бичих