OneVoice27 - Таныг үйлчлэлд дуудаж байна
Дэлхий дээр нийт
Дэлхий дээр Христийн сайн мэдээ хүрээгүй 3.40 тэрбум хүмүүс байна.
Бүгдийн Үйлчлэл
Дэлхий дээр Христийн сайн мэдээ хүрээгүй 3.40 тэрбум хүмүүс байна.
Матай 24:14
Хаанчлалын энэхүү сайнмэдээ дэлхий даяар тунхаглагдаж, бүх үндэстэнд гэрчлэл болно. Тэгэхэд л төгсгөл ирнэ.
Бурханы захирамжийг биелүүлэхийн тулд бид яах ёстой вэ?
"Итгэгч бүр нийт хүн амд хүрэх арга замыг судалж, төлөвлөж, бодож олтугай. Бид жирийн нэг байдлаар бус харин давж сэтгэж ямар нэг зүйл хийх ёстой. Бид анхаарлыг татах ёстой. Бидэнд биелэгдэшгүй мэт санагдсан ч үнэхээр чин сэтгэлээсээ хичээн чармайх учиртай. " ------------- Баярт Мэдээ номын хэсгээс
Та хэрхэн тусалж чадах вэ
Хандив өгөх
Хэрэгцээтэй зүйлээр нь бусдад туслах бидний үйлчлэлийг дэмжээрэй. Таны энэрэнгүй сэтгэл бидний эргэн тойронд байдаг хоол унд, хорогдох газар хэрэгтэй хүмүүст тус болохоос гадна гэр бүлүүдэд найдварыг өгөх ажилд үнэтэй хувь нэмэр болох болно.
Хамтын ажиллагаа
Таны биечлэн оролцох оролцоо үргэлж хэрэгтэй байдаг. Магадгүй Адвентист сүмийн гишүүн биш байж болох ч танд бусдад хүрч үйлчлэх, тэднийг илүү дээр амьдрахад нь туслах чин хүсэл байгаа гэдэгт итгэлтэй байна. Бусдад хүрч туслах маш олон суваг бидэнд байна.
Нийтэд тустай үйлчлэл
Бид зөвхөн сүмд явдаг хүмүүст л тусалдаггүй. Чадамж чадвар, нийгэмд эзлэх байр сууриас болоод тусгаарлагдсан олон хүмүүс байдаг. Хэрэв та тэдэнд хүрч үйлчлэхийг хүсвэл бидэнтэй нэгдээрэй.
Зургийн цомог
Бид хийсэн үйл ажиллагаануудаа зарим зургаар танилцуулж байна.
Манай видеог үзээрэй
Та манай Youtube сувгийг дагаж илүү олон мэдлэг, мэдээлэл олж аваарай.
Нийтлэл
Монголын эргэн тойронд манай чуулганууд хэрхэн ажиллаж байгаа мэдээ мэдээллүүдийг эндээс аваарай.
ЭДГЭРЭЛ, НӨХӨРЛӨЛ, МАГТААЛААР БЯЛХСАН АРХАНГАЙ СҮМИЙНХЭН
Архангай сүмийн хамт олон Баярын мэдээгээр дамжуулан сүмд шинээр ирсэн хүмүүстэйгээ халуун дотно нөхөрлөлийг бий болгон, тэдэнд эрүүл мэндийн үйлчлэлүүд болох алтан зүү эмчилгээ болон бариа заслын эмчилгээг хийжээ. Энэхүү үйлчлэл долоо хоног бүрийн мягмар гарагт явагддаг бөгөөд олон хүн Эзэнээс ирэх эдгэрэл, амар тайван, ивээл ерөөлийг мэдэрч байна.
ИТГЭЛ БА ҮЙЛЧЛЭЛЭЭР ДҮҮРЭН ТАВДУГААР САР
Булган сүмд өнгөрсөн 5-р сард Улаанбаатар хотоос дотоодын баг хүрэлцэн ирж, орон нутгийн гишүүдтэй хамтран баярт мэдээний үйлчлэлийг амжилттай зохион байгууллаа.
Энэхүү үйлчлэлийн үр дүнд сүмийн нэг гишүүнийг тонгги алтан зүүний эмчилгээний аргачлалд сурган бэлтгэв. Мөн Булган сүм анх байгуулагдаж байх үед үйлчилж байсан ахан дүүс эргэн ирж, баярт мэдээний үйлчлэлд хамтран оролцсон нь энэ сарын онцлох үйл явдлуудын нэг байлаа.
Дөрвөн өдрийн турш үргэлжилсэн сургалт, семинарт олон хүн хамрагдаж, тонгги тавиулан бие, сэтгэлийн сэргэлт авч, амьдралдаа эерэг өөрчлөлтүүдийг мэдрүүлсэн ерөөлтэй цаг хугацааг байлаа.
Сүмийн гишүүдийн идэвх санаачилга, хамтын оролцооны үр дүнд сүмийн орчинд явган хүний зам байгуулсан нь тэдний нэгдмэл хөдөлмөрийн бодит үр дүн болсон юм.
Түүнчлэн “Өглөөний дасгал хөдөлгөөн – Эрүүл амьдралын эхлэл” уриан дор өглөө бүр 06:30 цагаас хамтран дасгал хөдөлгөөн хийж эхэлсэн бөгөөд гишүүдийн бие бялдар, эрүүл амьдралын хэвшлийг дэмжих сайхан боломж болж байна.
Шинэ хүний анги ч тогтмол хичээллэж, суралцагчид итгэлийн амьдралдаа өсөн хөгжсөөр байна.
Энэ сарын турш бүхий л үйлчлэл үр өгөөжтэй болж, нөхөрлөл, айлчлал арвинтай, Бурханы ивээлээр дүүрэн өдрүүд үргэлжиллээ. Булган сүмийнхний хийсэн үйлчлэл бүхэнд Эзэний мутар хамт байх болтугай.
Мөн Хүүхдийн баярыг тохиолдуулан зохион байгуулсан Библийн АХА тэмцээний 8–10 насны ангилалд Булган сүмийн бяцхан гишүүн Б.Гандиймаа тэргүүн байр эзэлсэн юм. Тэрээр цуглаанд тогтмол оролцож, үе тэнгийн найзууддаа Библийн түүхээс хуваалцдаг бөгөөд энэхүү хичээл зүтгэл, суралцах хүсэл нь амжилтынх нь үндэс болсон юм. Эртний Сударт “Тиймээс, хайрт ах дүүс минь, бат зогсогтун. Эзэний ажилд үргэлж бялхаж бай. Учир нь Эзэн доторх та нарын хөдөлмөр хоосон биш гэдгийг мэддэг билээ.”/ 1 Коринт 15:58/ хэмээн өгүүлсэн байдаг. Иймээс бид бүгд Бурханы үгийг үргэлж судалж, бусдад хуваалцан, итгэл дотор өсөн хөгжиж, Эзэнийг алдаршуулан амьдарцгаая.
Бидний хөдөлмөр, үйлчлэл бүхэн Эзэний өмнө үнэ цэнтэй билээ. Ирэх өдрүүдэд ч итгэл, хайр, үйлчлэлээрээ өсөн хөгжиж, олон хүний амьдралд сайн мэдээний гэрлийг түгээх ерөөл дүүрэн байх болтугай.
“Миний Библи” уриан дор Бурханы Үгийг судалж, мэдлэгээрээ манлайлсан хүүхдүүд тодорлоо
Хүүхдийн баярт зориулсан Библийн асуулт, хариултын АХА тэмцээний эхний шат амжилттай болж өнгөрлөө.
Энэ удаагийн тэмцээнийг NextGen Union залуус зохион байгуулсан бөгөөд өмнө нь уламжлалт хэлбэрээр явагддаг байсан тэмцээнийг орчин үеийн техник, технологийн шийдэл болох Kahoot аппликейшныг ашиглан явуулснаараа онцлог байв. Ингэснээр оролцогчдын оноо, дүн мэдээг богино хугацаанд, ил тод бөгөөд шуурхай гаргах боломж бүрдсэн юм.
Тэмцээний 8–10 насны ангилалд :
1-р байр – Б. Гандиймаа (Булган сүм)
2-р байр – Б. Амгалан (Хилчин сүм)
3-р байр – Г. Гэгээ (Гайхамшигт хайр сүм) тэргүүллээ.